真道一年級迎新日3 – 聯課活動

終於黎到最後一篇介紹第三次真道迎新日既內容；我地之前講過曹校長好有心既分享、學校開學既注意事項同埋學校上課日既流程，最後一篇就講下真道另一個特色：聯課話動。

咩係聯課活動？

以前細個我地係放學後咪可以參加好多唔同既校隊或者興趣班既？我地叫佢地做課外活動(extra-curricular activities)，因為講到明係「課外」- 上完課以外既活動嘛。真道既聯課活動(co-curricular activities)就即係上課時節內參加有別於主流課程既學習活動，又或者再簡單啲：上緊堂果陣上興趣班。

點解有咁既安排？

呢個安排同優才既「才華班」好相以，點解要用上堂時間學啲可能我地阿媽會覺得「唔等駛」既野？睇下學校點講：

學校既解答係 – 學校想你唔好淨係讀書，想你全面咁發展囉。真係好睇你接唔接受呢個諗法（有人可能會話咁我不如出去出面學）。

聯課活動係點上法？上幾耐？

真道既聯課活動由FS1 (小一) 去到 DS3(小五) 每個年級都有得參加；同學係大約30幾個活動度揀自己想參加既報名，報完名學校抽簽決定同學既活動；同學跟住呢一年就會係聯課活動時間上同一個課程。例如你揀捉國際象棋又抽中，你跟住呢一年既聯課活動堂都係上國際象棋，而唔係可以不停咁轉。

聯課活動每星期都有一次，每次上兩節課(6、7節)。每個年級上聯課活動既日子都唔同，例如FS1就係逢星期一上：

聯課活動有咩活動可以揀？

真道所有年級可以上既聯課活動加埋都有三十幾個選擇，每個年級都有該年級特有既活動：

針對返FS1 可以揀既就會有以下列表上9個活動任擇其一：

大部分活動都唔駛額外交學費，除左一啲有材料費既，例如FS1上精品設計就要另外比錢。

每一個課程都有佢既學習目標，舉個例講小小非洲音樂樂團就有以下既指標：

點樣報名？點樣編班？

開學果陣學校會派報名表比大家，每個同學按意願同次序揀3個活動。學校之後會跟據以下條件編班：

學校解釋其中一個條件：每班都有學科代表意思係想每個活動至少每班都有兩個同學仔一齊上，等小朋友至少有個伴易適應啲。

總結

仲有幾日就開學了，唔知阿囡最後會揀到咩活動呢。希望阿囡同佢既新同學仔新學年可以好好enjoy真道既校園生活，亦都祝心儀真道既家長好快收到好消息！