有版友問我點喺加拿大搵到工，其實一個字就講完：「運」。不過都可以講下個過程。
我喺加拿大做過兩份工。第一份係公司HR直接喺LinkedIn message我，第二份就係見到LinkedIn個job ad自己apply。
第一份工做咗差不多三年，因為種種原因想轉工，於是開始每星期入去LinkedIn既top job picks for you睇下有無工啱。因為LinkedIn有我咁多年以來既工作經驗同network，佢suggest俾我既工relevant過Indeed或其他求職website好多。
因為我想work from home，所以我filter咗hybrid或remote既工，而且我會搵一啲全國請人既工。雖然競爭大咗，不過感覺好似多咗機會可以remote。
我用咗半年時間，前前後後只係apply咗7、8份工，有兩份回覆。最終有一份proceed。
▋Round 1: HR
我覺得HR肯見我，我份CV一定係有野中咗佢既要求。如果可以喺佢口中知道自己中咗乜，對我interview好有幫助。
例如第一份工，HR開宗明義講俾我知因為佢地有某industry既大客，而咁啱我以前份工有呢個industry既經驗，個客既規模亦相若，所以搵我。於是我全程同HR focus講呢個經驗get佢buy in。
▋Round 2: Hiring manager+ peers傾計
我覺得無論係hiring manager定係peer，佢地見我既目的都唔係為咗了解過去既我，而係未來有機會同佢地合作既我。
佢地無問太多我以前既經驗或者識唔識某一樣野，但佢會問如果你唔識做一樣野你會點做、喺邊度keep自己updated。佢地亦比較多問一啲情景題，例如如果你個vendor唔做野你會點應對、如果你唔夠時間deliver你會點處理之類。
我覺得問呢啲問題，係等佢地明白第時如果我地做咗同事，我既style會點樣影響到佢地。比起請一個一打十既超人，佢地可能情願要一個可以融入到現有體系既凡人。
講到尾，即係睇下大家夾唔夾。
▋Round 3: Case study presentation
可能係我既工種問題，我兩次見工都有case study。HR俾咗個brief我，然後俾一個星期時間我準備個presentation，跟住walkthrough個hiring manager。
Case study既問題就同我專業相關好多。不過話雖如此，我覺得呢度見工同讀書一樣，大家在乎既唔係你個答案同model answer有幾接近，而係想睇下你點樣去approach個problem。
以我既case study為例，本身係一個數據分析。佢地唔會問我：第一個問題既答案係幾多？但佢會問我：點解你要咁計？你覺得如果用另一個方法計有乜好處同唔好處？
了解你既思考模式，我覺得先係呢類case study interview既意義。
—
講咗咁多，宜家先戴頭盔好似有啲遲。不過我以上講既已經係2020年(第一份)同2023年(第二份)既事了。宜家環境唔同咗、人多咗、經濟差咗，可能以上講既都統統唔relevant，就當故仔咁聽吧。
無論如何，希望正在海外搵工或打算轉工既你一切順利啦！