上次講左真道開學既Q & A，今次就依時序講開下真道typical既一個上課日係點。介紹呢個環節既羅sir來自「校風培育組」- 類似以前我地細個好驚見果個「訓導主任」；不過宜家學校都已經將訓導同輔導結合，唔係淨係比人罰先會見到佢。
8:10前：早讀
一返到學校好似返工咁係門口有部打卡機，學生拍左咭check-in，家長係學校個app度就知道小朋友安全到達學校。羅sir話所以你遲到係有晒record。學校好鼓勵閱讀，所以早返到去同學可以係操場或者課室早讀。我相信宜家好多學校都有咁既安排?
8:10 － 8:25：早會
8:10就開始15分鐘早會；早會係歡迎家長都一齊參加既。聽老師講話節目好精彩wo！
8:30 － 8:50：老師時間
上課室後老師有20分鐘時間處理下班務，收集功課。
10:45 － 11:00、14:35－14:50：小息
小息上下午各有一個，每節15分鐘。比你去下廁所食下野，或者去圖書館借書等等。FS1既同學仔因為全部都係一樓上堂，小息亦可以去一樓既平台（基本上係同有蓋操場一樣大既空間）度休息下。諗返自己細個個小息好似長啲，唔知夠唔夠佢地做到咁多野呢？
12:15 － 13:20：午膳時間
上午上5節堂（中間有一個小息）就到12:15 lunch time，食半個鐘；食完就可以用餘下另外半個鐘既時間去參加下午間活動。有乜午間活動玩？老師話有好多：
希望阿囡既食飯速度會因此而有所提高。。。如果唔係，真係日日睇住人地玩。
16:15：放學
食完飯上多4節課（中間有一個小息）就放學啦！攪攪下成4點幾，真係好好奇佢12:15儲左果啲能仲淨返幾多呢？
總結
總結真道的一天，同學每日流程大約係：
早會 > 老師時間 > 3 節課 > 小息 > 2 節課 > lunch > 2 節課 > 小息 > 2 節課 > 放學
想睇detail少少可以睇下上年個timetable（影得唔係好清）
差不多講晒第三次迎新日既內容啦；最後一回會講下真道既聯課活動（可以講係上課時間既課外活動)，同埋FS1既同學仔有乜野可以玩！
